Este ano, co gallo do Día do Libro, promovida dende o Seminario de Educación Intercultural, estivéronse traballando varias lendas de países de orixe dos nosos alumnos/as.
Logo de traballarse cada lenda nun grupo, cadaquén foi expoñendo a súa lenda aos outros grupos do seu nivel na Biblioteca.
Houbo utilización ampla das novas tecnoloxías para expoñer a lenda.
Nestes días estamos poñendo en marcha a páxina web do colexio: http://centros.edu.xunta.es/ceipnosasenoradosremedios
Esta web está construída dende a Consellería de Educación, dentro do Proxecto Webs dinámicas, e ofrece unhas posibilidades enormes. Está feita con software gratuíto.
Pouco a pouco iremos completando a mesma. Seguiremos mantendo este Blog para complementar axeitadamente a nosa presenza na Rede.
Na pasada semana fixéronse diversas actividades do Entroido. Tódolos días o Meco mandou vir vestidos con algo especial. O mércores fixemos a XI Degustación de sobremesas do Entroido onde incluímos tamén sobremesas propias dos países de procedencia do noso alumnado estranxeiro. O venres fixemos o desfile de entroido polas rúas de Ponteareas.
Hoxe venres 19 de xaneiro alumnos e alumnas de 5º B e de 6º B fixeron representacións con monicreques dunha obra que trata o tema do coidado do colexio e da alimentación axeitada para tódolos nenos e nenas. A estas representacións asistiron por niveis tódolos nenos e nenas do noso centro.
Vaise facer un xogo con temática medioambiental no que poderán participar os alumnos e alumnas do noso cole.
En outros artigos informaremos sobre esta actividade verdadeiramente interesante.
Na imaxe aparece un momento da representación.
Nesta imaxe aparece un dos moitos traballos que decoraron o colexio durante este Nadal 2006
O C.E.I.P. "Nosa Señora dos Remedios" deséxavos a todos e todas que teñades unhas boas festas de Nadal e que o ano 2007 sexa polo menos tan bo como este 2006.
Esta árbore decora unha das portas dunha aula do colexio.
Nesta imaxe aparece un dos traballos que decoran as paredes do Colexio neste Nadal.
Nestas datas no Colexio facemos traballos para que o noso cole teña un aspecto máis divertido. Por exemplo, temos feito un Nacemento aproveitando refugallos que quedou moi bonito.