Blogia
ceipnsremedios

BIBLIOTECA

CARTA DE POPI DO SEGUNDO TRIMESTRE DO CURSO 2006-07

CARTA DE POPI DO SEGUNDO TRIMESTRE DO CURSO 2006-07  

Ola, rapaciñas e rapaciños!

Antes de contarvos nada quero darvos as grazas por eses marabillosos contos que me fixestes, paseino moi ben nas vacacións do Nadal léndoos. Aínda que botei en falta moito as vosas visitas tanto dos recreos coma dalgunhas tardes, porque direivos que hai xa un bo número de nenos e nenas que veñen ler polas tardes comigo e agardo sexamos cada día máis.

 

E como xa sodes moitos os que levades libros para ler na casa tamén, os vosos titores van levar un rexistro dos libros que ledes. E, estaredes a pensar, como o van facer?

Pois moi sinxelo, algúns nas vosas clases xa empezastes a ver que os titores pintaron  árbores, e para

que serán...?

Cóntovos, as árbores teñen pólas e estas teñen follas, pois do que se trata e que cada vez que leades un libro tedes que facerlle unha folla a vosa póla, aaah!!!!!  Que non vos dixen,  os titores vanvos dar unha póla desa árbore para cada un, e o que máis follas lle coloque a esa póla terá un pequeno agasallo. Agardo que esas árbores agora núas de follas no remate do curso sexan frondosas e que o pasedes moi ben coa lectura, tanto dos libros da biblioteca coma da aula.

 

E falando da Biblioteca sabedes que están ampliando o voso recuncho? Pois si, para que sigades a traerme moitos deses libriños tan  marabillosos que só vos sabedes facer así de ben e logo ademais de min, por suposto, leredes todos.

 

Como supoño que no Nadal todos e todas reporiades as forzas, comendo eses ricos turróns e mazapáns, para seguirdes traballando moito e así acadar unhas boas notas como na primeira avaliación, ou non?

Eu creo que siiiiiiiiiiiiiiiii que todas e todos sondes uns bos estudantes.

Imos entón ao tema do seguinte conto, que debe estar comigo na semana do 19 de marzo para que como o anterior poidades pasar todas e todos a lelos antes das vacacións de Semana Santa; como xa levamos un bo anaco de curso e  dixéronme que fixerades moitas visitas e actividades fóra do colexio; eu pensei,  estaría ben que como eu non podo ir a ningures, por estar aquí a gardar os vosos libros; vós me contarades algunhas desas cousas que fostes ver ou facer.

Parécevos ben?

 

Agardo inqueda os vosos contos.

 

Moitos biquiños da vosa mascota POPI

 

 

MUA, MUA, MUA...............................!!!!!!!!!!!!!!

 

 

 

CARTA DE POPI DO 1º TRIMESTRE DO CURSO 2006-07

CARTA DE POPI DO 1º TRIMESTRE DO CURSO 2006-07

 

Ola, rapaciñas e rapaciños!

Como vos foi durante o verán?

Agardo que moooi ben!!!, que descansarades moooito e que traiades unhas enormes ganas de traballar.

Como lembraredes do curso pasado son a mascota POPI que estou na Biblioteca do colexio, e tamén lembraredes que tiñamos un recuncho onde me deixabades os libriños tan chulis  que faciades coas vosas profes e que logo podiamos ler todos.

Pois ben, estamos no outono, época na que se recollen moitos froitos e que supoño vos gustarán moito igual que a min.

Gustaríame que o primeiro libriño deste curso, que acabamos de comezar, fose dedicado a estes froitos.

E, preguntarédesvos como tedes que facer?

Veredes, creo que vai ser moi sinxelo; cóntovos:

A cada curso voulle asignar un froito de outono, e vos tedes que facerme entre toda a clase un libriño no que contedes unha aventura dese froito, ben sexa comigo, ou a propia aventura da vida dese froito que vos tocou.

Os froitos quedarán do seguinte xeito:

Infantil de 3 anos...............as follas do outono

Infantil de 4 anos A............o limón

Infantil de 4 anos B............o figo

Infantil de 5 anos A............a landra

Infantil de 5 anos B............a noz 

1º de Primaria......................a castaña 

2º de Primaria......................a mazá

3º de Primaria.......................a pera

4º de Primaria.......................as uvas

5º de Primaria.......................os cogomelos

6º de Primaria.......................a cabaza   

Agardo o pasedes moi ben coa creación dos libriños e que  a vosa imaxinación nos leve a pasar un anaco divertido  na Biblioteca.

 

Agardade, non rematei, quero lembrarvos que o vindeiro día 27 de outubro imos celebrar o Magosto. Como xa sabedes iso implica que uns días antes hai que traer o bullo para as fogueiras e, por suposto, as castañas.

 Ademais este ano vanse celebrar xogos populares no patio o mesmo día, polo que os profes de Educación Física, Toño e Lucía, pedíronme que traiades, os que teñades na casa; aros guía, petancas, bolos celtas, zancos, chaves e ras, ou outros xogos que vos saibades, para ir practicando.

Que vos parece?, eu creo que o imos pasar moooi ben, e imos aprender moito.

Se as vosas profes vos mandar facer algún traballiño onde contedes o que fixestes o día do magosto ou en que xogos participastes, agardo o ilustredes moi ben xa que será  publicado no xornal do colexio "A pita faladora"

Agora si que xa se rematou, traballade moito para que saían cousas moi bonitas, e até a próxima.

  Unha forte aperta de Popi.

AS NORMAS DE POPI

AS NORMAS DE POPI

Estas son as normas de Popi para a nosa Biblioteca.

POPI: A MASCOTA DA BIBLIOTECA

POPI: A MASCOTA DA BIBLIOTECA Nesta imaxe aparece Popi, a mascota da nosa Biblioteca e que cada trimestre se dirixe a tódolos alumnos e alumnas do Cole para que fagan un conto.

A BIBLIOTECA DO COLEXIO

A BIBLIOTECA DO COLEXIO  

Cando comezamos o curso 2005/06 decidiuse que había que dinamizar a biblioteca escolar polo ben de todos.

Para iso o primeiro que se fixo no 1º trimestre escolar foi un concurso para a elección da súa mascota, resultando elixida a vaca Popi do alumno de 1º A Diego Gándara Vilas.

Logo fíxose unha vaca Popi en relevo para a porta da Biblioteca.

Esta mascota dedicase cada trimestre a escribir unha carta, que fai chegar a todas as aulas, na que se lle pide aos alumnos/as que lle elaboren un conto partindo dun tema que ela propón.  Estes contos, unha vez rematados, expuxéronse na Biblioteca para logo quedar a disposición de quen os queira ler no recuncho "Fixémolos nós".

No 2º trimestre os contos que se elaboraron tiveron como tema a chegada de Popi a Biblioteca. Fíxose coincidir a exposición coa semana do libro.

Como se rematou un pouco  máis tarde do previsto, por ser a primeira vez que se facía, decidiuse continuar o vindeiro curso.

Xa neste curso 2006/07 a carta chegou a primeiros de outubro co tema " Aventuras cun froito de outono", cada nivel tiña asinado un froito de outono para a elaboración do conto, así os de infantil de 3 anos eran as follas de outono, os de catro a noz, os de cinco as landras; xa en primaria os de 1º tiñan a castaña, os de 2º a mazá, os de 3º a pera, os de 4º as uvas, os de 5º os cogomelos e os de 6º a cabaza.

A exposición levouse a cabo durante as dúas derradeiras semanas do trimestre.

Tamén no primeiro trimestre se creou unha Popi en tres dimensións con materiais de reciclaxe para o interior da Biblioteca e así acompañe aos lectores e lectoras.

Na 2ª semana de xaneiro xa chegou a seguinte carta de Popi pedindo aos alumnos alumnas que elaboren un conto co tema "As saídas ou actividades extra escolares". Ademais os titores/as van facer un control dos libros que os seus alumnos/as len, tanto da Biblioteca escolar coma da que teñen na aula, dun xeito moi gráfico: nunha parede da aula van debuxar unha árbore con tantas pólas coma alumnos/as teñan e cada un deberá encher a súa póla de follas, que van ter que encher a modo de ficha do libro que lean, constando o título, autor, editorial e valoración pola parte de diante da folla e por detrás escribirán un pequeno argumento os maiores e os máis pequenos un debuxo. Na valoración debuxarán de unha a tres Popis segundo lles gustase.

Todos agardamos que este obxectivo que nos propuxemos se acade  para poder así continuar a nosa tarefa de mellorar cada día.